好耐。。好耐。。。好耐都冇拋夫棄子去夜街，有咩咁大威力？咪就係去左跟主題樂園酒店大廚學煮素西餐(其實….我都係為佢地著想去進修BB廚藝啫…哈哈)
平日煮素食都只限於唔落肉就當係，但原來素菜式都可以好多元化，仲可以好西式添。今次學煮依素食肉餅庫斯米配自製泡蔬菜及食用泥伴花椰菜茸及薄荷汁酸奶，睇個名咁長都以為好難，但其實只係步驟多，過程都算易呀。
最特別就係用紅菜頭加鷹嘴豆整嘅素牛肉漢堡，驟眼睇真係好似㗎，咁食落去個味同咬感都似嘅。我最期待嘅就係椰菜花薯茸，依個一定要再整，完全係冇乜負擔嘅薯蓉，啱我之餘仲可以對付唔鍾意食菜嘅小小豬。
超充實咁上左三個鐘堂，唔可以話自己嘅廚藝有進步，不過係學到啲技巧嘅，等我過幾日試下再整先~
Taste of Veg
Search